李世業 | 自然 feat. 歷史

李世業Michael是退休公務員，曾於香港郵政擔任培訓組導師，由新人入職培訓，到升職專業進修都由他一手包辦。後來香港郵政想舉辦導賞讓公眾認識郵政架構及歷史，機緣巧合下Michael就當上他們首批導賞員。2017年退休後，他加入了海濱文化導賞會，在會中認識了另一位龍虎山教育大使，遂加入了大使行列。

Michael：我1992年搬到堅尼地城，行龍虎山好多年喇。行山唔止為鍛鍊體力嫁，跟我啲同事行山，仲會沿途討論歷史、文化、植物等知識，呢類溝通同交流令我變得更主動，俾到我心靈上嘅滿足感。

外國如果想去「郊外」，需要好長嘅車程，香港就唔同，居住地方隔離就係山，行10-15分鐘就已經去到另一個世界，可以享受嗰種遠離煩囂嘅靜。所以搬嚟西區之後都有行龍虎山，早晨、黃昏、夜景，我都鍾意。

我中學讀文科，本來就對歷史有興趣，所以一開始都係接觸歷史導賞先，但後來發現如果要顧及到唔同參加者嘅興趣就必須豐富我嘅導賞內容，生態或地質等嘅知識就變得不可或缺。依家雖然網路發達，上網可以尋找到好多資料，但似終資料係資料，冇經過交流溝通係差咁啲。依家做咗大使兩年，常見嘅蝴蝶、雀鳥其實都認得出，仲可以分享小葵花鳳頭鸚鵡嘅故事添！

左起

1. Michael李世業

2. Michael私心推介：中心展覽廳 - 西環濾水廠平房

3-4. 對歷史有濃厚興趣的Michael，退休後為本地機構帶領歷史導賞團，東涌古道石屋及大埔火車博物館亦是他的導賞地點之一。 5. 大澳 6. 西環尾泳柵