王鴻權｜對樹木要有感恩心

王鴻權（權哥）是志記鎅木廠的掌舵人，與另外幾位兄弟姊妹一起經營位於上水馬草壟的「香港最後鎅木廠」。志記外觀十足哈爾移動城堡，廠內外都滿有手作味、很raw、很有味道。

由上水港鐵站到馬草壟，沿路亦有其他鎅木廠，但他們多以轉售外國木材為生。現時全港只剩志記一家鎅木廠在回收、處理本地木材，由於木材成本及人工等開支都較高，權哥坦言很難經營。

雖然遠在上水，但志記跟龍虎山關係匪淺。有坐過中心花園的長木櫈、有跟過中心指示牌上龍虎山，或者透過歷史標示牌認識中心歷史的朋友，應該感受到志記對龍虎山的貢獻。早前超級颱風山竹吹斷了中心一棵細葉榕的枝幹，即使細葉榕並非造木工的料，志記亦願意收留它們，並在細心處理後，用於木工坊活動的木櫈仔及書架製作，好讓塌樹重生。

權哥對了木頭一世，做人卻不會「好似嚿木」，反而透過與樹木交往，領略到人生道理。現下志記即使面臨清拆危機，仍持續回收廢木、搞木工坊，繼續推廣「棄木不廢」的概念。

權哥：我其實都聽到麻木晒，木頭攞去堆填當然係最簡單，但人生靠樹（住屋）、死靠樹（棺材），對樹木應有感恩嘅心。當年我爸爸由木廠雜工做起，由北角搬到柴灣，由柴灣搬入上水......以為自己搬到一無所有？結果又喺度做咗30幾年。依家唔值錢嘅嘢，未來可能好值錢，鎅木業都一樣。

呢度好多都係中電回收返嚟嘅木電線桿，要鎅開先知入面質素係點，可唔可以做傢俬、建材，未必全部用得。我相信生命係一個代替一個，喺山竹，樹係犧牲自己幫港人擋災，我哋一定要感恩。今次龍虎山嘅木大部分唔適合做建材，但冇問題，可以做櫈仔、書架，將呢個唔好浪費嘅意識宣揚開去。

➤ 志記鎅木廠

Facebook專頁

➤ HK01 木廠故事 - 志記清拆前 一門四傑細說家族延綿人生 http://bit.ly/2rCrccr