林燕萍｜我喺龍虎山嘅第一次

林燕萍 Littlepaper 於石塘咀長大，後來考入港大，畢業後從事翻譯工作。她讀本科的時候中心還未成立，行山活動亦未有於她的圈子普及，出入這區多年，卻未有踏足過龍虎山。

Littlepaper: 我之前好少行山㗎，空餘時間都喺屋企寫書法或去學佛，對自然生態方面嘅認識都唔多。好彩中心唔會要求我有經驗先可以參加，2017年就順利「碌到入嚟」做大使（笑）。

第一次上龍虎山；第一次行夜山；第一次帶工作坊；第一次帶導賞；第一次森林浴；第一次攀樹，全部都係跟中心！好似每年都有新活動、新元素，今年又新加歷史培訓，覺得喺呢度有好多體驗。

上得多龍虎山，就發現佢同其他香港出名嘅行山徑唔同，比較乾淨，亦有晨運客嘅手作設施，喺告示牌貼手寫揮春等等......睇得出佢地當呢度係屋企、生活圈子，好有特色。

Littlepaper私心推介：碧珊徑的寧靜