杜文信 | 法籍香港環境史學家

杜文信（Max）是法籍建築師，曾任港大園境學講師，他正攻讀環境史學研究博士學位。中心正舉辦的專題展覽「牠它他的生態半部曲」，Max就是其中一位策展人，展覽介紹12個香港業餘博物學家的人物故事，將被遺忘的香港環境史帶到大家眼前。

Max：我2012年嚟香港，之前幾乎對香港零認識，剩係聽過香港被標榜為金融中心，不過喺我執教園境學嘅期間，好快就發現呢個城市其實都有好靚嘅郊野。

我五年前決定修讀埋博士學位，開始研究香港自然環境嘅變化。我會研究香港點解會有郊野公園、島嶼、森林？點解冇人再耕田？點解越黎越多填海項目？論文我本來想寫「香港環境史」，後來發現呢個topic太多嘢可以講，就集中研究19世紀香港環境嘅變遷。喺資料搜集期間，接觸到幾個業餘博物學家嘅故事，佢哋幫香港做咗好多發掘、收集、辨認、保護及推廣生態嘅工作，我覺得好有趣，好想更深入了解。

我想推薦展覽入面談及嘅幾個19世紀人物故事俾大家，佢地喺殖民統治前及香港開埠初期（英國於1841起統治香港），喺地質、生態上有好多發現。佢地俾我哋睇到博物學家嘅重要性，同埋嗰段期間香港自然嘅改變。尤其呢幾位都唔係專業嘅博物學家，我希望藉著佢哋嘅故事，可以鼓勵大家諗吓，當環境保育面臨重大挑戰，我哋喺當中可以扮演咩角色。

Max親自前往英國皇家檔案館尋找資料

Max去年前往邱園尋找有關約翰艾爾的資料時，邱園的管理員得知他在籌備一個香港的展覽後，指：有好野益你，拿出數個灰色大紙盒，裡面全是約翰的水彩畫。她說一直未有時間處理及電子化他的作品，一直收藏於盒內，覺得很可惜，希望可以讓跟多人看到他的畫作。機緣巧合下這些畫作得以呈現與各位眼前。