余昱昀

lfseec
2022年6月7日
讀畢需時 2 分鐘

余昱昀Marcus是香港大學四年級生，是歷史和地球系統科學雙主修。他是土生土長新加坡人，高中畢業後曾在芽籠參與營運一間藝術共享空間，那裏既是劇場、圖書館；又是工作坊、論壇的場地，還有個天台花園。去年中心招募「牠它他的生態半部曲」策展實習生，有藝術策展經驗的Marcus就成了不二之選。

Marcus:「中心舉辦嘅第一期『牠它他的生態半部曲』俾我一個好深刻印象。我之前有搞藝術空間經驗，所以都熟展覽，幫到由籌備到展覽各個步驟。

能夠親身接觸到史料、訪問到相關的人永遠都令人驚嘆.....最超現實係去拜訪白理桃屋企『向日葵屋』，可以同佢*嘅朋友、屋企人進行口述歷史訪問。透過大家分享的小事，我對白理桃女士嘅認識唔再停留喺歷史描述，係切實感受到佢嘅和藹可親同無私，仲有對科學堅定不移嘅信念。

其實愈深入研究就愈會發現，歷史有好多空白。某啲蛛絲螞跡可能會幫到你去你想去嘅方向；但亦有可能會去咗一個你完全未想像過嘅領域。尤其香港殖民時期檔案其實好殘缺，更甚者係，當我哋講環境史，會有好多非人類持份者，「佢哋」係唔會留低可以俾歷史學家考證嘅手稿同檔案。呢個主題真係可以好複雜，其實個研究可以包埋史學史的，但睇怕要搞多個展覽至得。

香港環境史真係一塊寶藏，可以將呢個城市放到一整個地域，甚至全世界咁睇。我好多謝中心俾咗好多自由我去做研究，令作為小實習生嘅我都可以响展覽內容、編排、設計上貢獻。尤其我係非本地生，能夠咁樣被聆聽、參與其中，真係一次好難得嘅學習經驗。